Bearjadaga álgá Norggameašttirgilvu láireduvvábáhčimis Njávdámis, Nuorta-Finnmárkkus.
Sámi báhččit leat oiddohiid searvvis go Norgga buoremus báhččit čoahkkanit báhčit Norggameašttirgilvvu «Nordisk trap» nammasaš láireduvvábáhčimis.
Báhččit báhčet čuođi láireduvvá ovdal finálaid, sotnabeaivvi.
Earret eará Anne Beate A. Hætta, Roger Strømeng, Ole Johan Triumf, Klemet Anders Sara ja Daniel Mikal Oskal servet báhčimii ja leat oiddohiid searvvis iežaset luohkáin.
Eará Guovdageainnu báhččit geat servet: Isak Mikael Triumf, Johan Thomas Hætta, Jon Anders Tornensis, Nils Peder Tornensis, Nils Rune Eira, Odd M Hætta ja Svein Ole Sandvik.
