Juohke jagi servet máŋggaid duháhiid eaktodáhtolaš olbmo mearragáttiid ja siseatnama čorgemiidda, ja odne almmuhuvvo appa mii galgá dagahit čorgemiid suohttaseabbon ja čielgasit oppalašgova.
Appa namma lea «Rydde» ja galggašii eaktodáhtolaš čorgema ráhkadit álkibun buohkaide. Jurdds lea maid movttiidahttit vel eanet eaktodáhtolaš čorgemii ja diehtočoaggimiidda dutkiide.
Dán čorgen-appas sáhttet eaktodáhtolaččat gávdnat báikkiid gos čorge, searvat čorgenakšuvnnaide, dieđihit nuoskkiduvvon báikkiid ja registreret maid gávdnet.
– Dát appa lea ovdánahttojuvvon eaktodáhtolaččaid sávaldagaid ja dárbbuid vuođul, ja mii sávvat ahte eaktodáhtolaččat váldet atnui appa, dadjá Hold Norge Rent beaivválaš jođiheaddji, Lise Keilty Gulbransen.
Dán appas leat maid dieđut gos eaktodáhtolaččat sáhttet viežžat nuvttá čorgenrusttegiid ja gosa sáhttet nuvttá doalvut ruskkaid maid leat čoaggán.
