Dat geavai dan sivas go norgalaš lea lobiheamet rasttildan Norgga-Ruošša riikarája.
Dáhpáhus lea geavvan moadde kilomeahtera riikarájas, lahka Borisoglebskij báikki Murmánskka guovllus Ruošša bealde. Dan muitala Ruošša neahttaaviisa Severpost.
Finnmárku politiijaguovllus duođaštit dáhpáhusa, ja čielgadit ahte dat lea geavvan cuoŋománu 25. beaivvi.
– Gažaldat man dilis lea norgga stáhtaborgár galgá divvot Olgoriikadepartementii. Politiijain eai leat lassi dieđut áššis, dieđihit politiijat preassadieđu bokte.
Olgoriikadepartemeanta ii kommentere ášši NRK:i.
Severpost aviissa mielde lea álggahuvvon dutkanášši. Lobihis rádjerasttildemiin sáhttá dubmehallat gitta guovtti jahkái giddagassii.
