Norgga oljovuovdin lassánii skápmas ja juovlamánus 2019. Eksportaárvu juovlamánus lea dat alimus viđa jahkái. Lea «Johan Sverdrup» nammasaš oljobáiki mii lea dagahan dan lassáneami.
Norga vuvddii oljju 28,2 miljárdda ovddas 2019:s. Dat lea 64,8 proseantta lassáneapmi jus buohtastahttá diimmá juovlamánu loguiguin. Dan dieđiha Statistihkalaš guovddášdoaimmahat.
Go álggahahedje «Johan Sverdrup» nammasaš oljobáikki, de lassánii oljofáhttaeksporta 35,5 proseanttain juovlamánus 2018 rájes ja vuvdojuvvojedje 48,5 miljovnna fáhta. «Johan Sverdrup» lea goalmmát stuorimus oljobáiki Norgga nannánjuolggis. Das vurdet oažžut 2,7 miljárdda oljofáhta. Nu čállá NTB.
