-Almmuhus-
-Almmuhus-
-Almmuhus-
OĐĐASATNorgga oahppit loktet skuvllas

Norgga oahppit loktet skuvllas

-

-

Eambbosat gárvejit joatkkaskuvllaid, eambbo mánát ja nuorat loktet skuvllain ja váhnemat leat duhtavaččat mánáidgárdefálaldagaiguin.

Nu čájehit Oahppodirektoráhta logut ja statistihkat.

– Oadjebas ja buorre skuvlabiras dahká ahte ohppiin lea hállu oahppat. Lea somá oaidnit ahte eambbosat loktet skuvllas, ja dovdet gullevašvuođa ja sis leat skihpárat, dadjá Oahppodirektoráhta direktevra Bente Barton Dahlberg preassadieđáhusas.

Oahppoboađus

Norgga ohppiin šaddet buoret ja buoret árvosánit. Vuođđoskuvllaohppiin leat buoret oppalašárvosánit dál go ovdal koronapandemiija.

Nieiddain leat gaskamearálaččat buoret árvosánit go gánddain eanaš fágain.

Ohppiid olahus nationálageahččalemiid oktavuođas lea áiggi mielde buorránan, ja eŋgelasgielas leat oahppit šaddan čeahpibut.

Gárvejit joatkkaskuvllaid

98 proseanta ohppiin geat čađahedje vuođđoskuvlla 2021:s, álge joatkkaskuvlii seamma čavčča.

Joatkkaskuvllaid vuosttaš luohkáin leat measta seamma olu oahppit fidnofágain go oahppospesialiseremis.

Eai goassege ovdal leat eambbo nuorat čađahan ja ceavzán joatkkaskuvllaid go dál. 80 proseanta sis geat álge joatkkaskuvlaohppui 2015:s, gárvejedje oahpu ja ožžo oahppoduođaštusa.

-Almmuhus-