Goalmmátlohkái-ahkásaš nisu duššai. Guđátlohkái-ahkásaš nisu lea sáddejuvvon Girkonjárgga buohccivissui maŋŋel biilalihkohisvuođa mii dáhpáhuvai duorastaga eahkes.
Politiija Finnmárkkus dieđihii 02.52 bearjadaga čuovganeapmái lihkohisvuođa birra mii dáhpáhuvai gaskkal Gápmasa ja Čeavetjávrri Davvi-Suomas, sullii 11 miilla eret Norgga rájás.
Norgga ambulánsahelikopter oaččui dieđu diibmu čiezas duorastaga eahkes. Norgga politiijat ožžo Suoma politiijain dieđu sullii diibmu ovccis eahkes.
– Norggaregistrerejuvvon biila lei johtolatlihkohisvuođas. Biila vujii badjel luotta. Ledje guokte olbmo biillas, goalmmátlohkai-ahkásaš nisu, gii duššai, ja guđátlohkái-ahkásaš nisu, gii sáddejuvvui buohccevissui Girkonjárgii, dieđihit politiijat.
– Goappaš nissonat biillas leigga norgalaččat, ja soai leigga ovtta bearrašis, muitala politiija.
– Oapmahaččat leat ožžon dieđu, dadjá doaibmajođiheaddji Eirik Pedersen Finnmárkku politiijaguovllus NTBii.
(©NTB)
