Gonagasreappát Norggas vuvdojuvvojit dábálat Kinái. Muhto Corona virus dagaha ahte Kina ii oastte šat gonagasreappáid Norggas. Dat dagaha eahpesihkkarvuođa Norgga gonagasreabbáfitnodagaide.
Olu fitnodagat Norggas moitet ahte vuovdin njiedjá. Sii eai sáhte vuovdit gonagasreappáid Kinai go lea váttis fievrridit daid Kinai go eai mana girdit šat dohko. Sihke luossá ja gonagasreappá eksportta váikkuhuvvojit dadjá Svein Ruud Norway King Crabas Mátta-Várjjagis Fiskeribladet áviisii.
Fitnodagas leat njiedjan vuovdin 10-12 tonnain. Ja dat váikkoha ealli gonagasreappá vuovdima. Kina oastá olu gonagasreappáid Norggas, muhto Corona virus dagaha olu váikkuhusaid. Olu girdifitnodagat eai girdde sat Kinai ja olu gávpogat leat gidden sin johtolagaid.
– Min vuovdit dadjet ahte lea váttisvuohta vuovdit dal go lea dat virus. Buot desinašuvnnat leat váikkuhuvvon ja mis leat olu gávppašeapmi Asias, USA:s ja Kanadas. Mii vuordit dal mii geavvá márkanin ovddosguvlui dadjá Toini Karlsen North Cape King Craba fitnodagas Nordkáhpas mii maid váikkuhuvvo dan dilálašvuođas. Nu čállá NTB.
