Mánnodaga lei vuosttaš beaivi njukčamánu 10. beaivvi rájes ahte Norgga buohcceviesuin ii lean oktage koronapasieantta vuoigŋanmašiinnas.
Odne, gaskavahkku, leat njealje koronapasieantta Norgga buohcceviesuin. Dát lohku lea niedjan čieža pasieanttas njealji pasientii ievttá rájes. Dearvvašvuođadirektoráhta logut čájehit ahte buot koronapasieanttat Norggas dál leat buohcceviesuin Helse Sør-Øst buohcceviesuguovllus. Dát lohku lea dál liikká vuollin go mannan bearjadaga, ja vuolimus lohku njukčamánu 10. beaivvi rájes.
Ii oktage vuoigŋanmašiinnas
Seamma ládje go ovddit beivviid, de ii dárbbaš oktage koronapasieantta vuoigŋanveahki vuoigŋanmašiinna čađa. Mánnodat lei vuosttaš beaivi njukčamánu 10. beaivvi rájes ahte ii oktage dárbbaš vuoigŋanveahki.
Gaskaija áigge ledje registrerejuvvon 9001 norgalažžii njommon koronadávda, Njoammudávddaid diehtovuogádaga loguid mielde.
©NTB
