-Almmuhus-
OĐĐASATNorgga boles bisseha dál buot biillaid mat bohtet Suomas

Norgga boles bisseha dál buot biillaid mat bohtet Suomas

-

-

Riikiiboahtinalmmuhus lea bákkolaš ja dan galgá dahkat golbma jándora ovdal go áigu rasttildit rájá Suomas Norgii. Dan lassin gáibiduvvo juogo negatiivvalaš koronateastaboađus dahje koronapássa.

Norga lea mannan vahkus fas čavgen rádjerasttildannjuolggadusaid, čállá Yle Sápmi.  Norgga rájá alde buot Suomas boahtti biillat vuot bissehuvvojit korona dihte. Erenomáš dárkkit leat das, ahte buohkat leat dahkan riikiiboahtinalmmuhusa. Registreren lea bákkolaš ja dan galgá dahkat golbma jándora ovdal go áigu rasttildit rájá Suomas Norgii.

Dasa lassin gáibiduvvo juogo negatiivvalaš koronateastaboađus dahje koronapássa. Dárkkisteamit bohte fápmui mannan bearjadaga. Biillat bissehuvvojit dál viššalit erenomážit registerema dárkkisteami dihte.

– Mii Norgga politiijas leat dál ožžon dieđu, ahte mii galgat dál kontrolleret biillaid, mat bohtet Suomas Norgii, ja juohke biila kontrollerejuvvo dan dihte go mii galgat oaidnit, ahte buohkat leat čađahan dan registerema, muitala Thor Martin Balto Kárášjoga leansmánnekantuvrras.

-Almmuhus-