Máilmmi buoremus guođohanbeatnaga namma lea Gin, ja lea Norggas. Nederlánddas lei guođohanbeatnagiid máilmmimeašttirgilvu, masa serve 250 beatnaga.
Máilmmi buoremus guođohanbeatnaga namma lea Gin, ja lea Norggas. Nederlánddas lei guođohanbeatnagiid máilmmimeašttirgilvu, masa serve 250 beatnaga.
Lea vuosttaš háve go Norgalaš vuoitá máilmmimeašttir gilvvuid. Gin ja su eaiggát Jaran Knive časkkiiba oktiibuot 250 beatnaga gilvvus. Maiddái joavkogilvvus dagai Norga buori barggu, ja bođii goalmmádin.
Stuora sávzzaiguin johtit
Lea vuohččan go máilmmimeašttir gilvvut lágiduvvot olggobeale Brihtalaš sulluid. Dat sáhttá leamaš ovdamunnin norgalaččaide. Sávzzat mat leat gáttis leat veahá losit, ja dasa leat Norgga beatnagat eanet hárjánan. Dan dieđiha Norsk Sau og Geit organisašuvdna.
– Máilmmimeašttir gilvvut ledje hástaleaddji, stuora ja duolba šiljut, ja stuora sávzzat. Beatnagat besse bargat. Beatnagat galget viežžat sávzzaid ja johtit daiguin ovtta šillju čađa, ovtta gontorii, čállá organisašuvdna.
Kevin Evans, Wales sullos eret, bođii nubbin gilvvus, Ace beatnagiin. Nederlándalaš Serge van der Zweep bođii goalmmádiin, Gary nammasaš beatnagiin.(©NTB)
