Norgalaš Frode Berg, gii ovdal lea bargan Ruošša rájás, lea váldon giddagassii Moskvas go gáddet su leat spiovdnan, Ruošša ođasdoaimmahat dieđuid vuođul.
Norgalaš Frode Berg, gii ovdal lea bargan Ruošša rájás, lea váldon giddagassii Moskvas go gáddet su leat spiovdnan, Ruošša ođasdoaimmahat dieđuid vuođul.
Albmá, gii lea ovdal bargan rájábearráigeahččin ja orron Girkonjárggas, lea Ruošša sihkarvuođapolitiija FSB váldán giddagassii spionerema dihtii Mosvkas, dieđiha Ruošša ođasdoaimmahat, Rosbalt muitala DN.
NRK dieđuid vuođul váldui almmái fáŋgan juovlamánu čihččet beaivvi go lei mátkkošteamen Moskvas. Dalle ii lean čielggas manin son biddjui giddagassii. Son barggai Mátta-Várjjagis ja NRK dieđuid vuođul lea sutnje nammaduvvon Ruošša advokáhtta. Albmás leamaš bearaš guossis.
Berošta Norgga-Ruošša oktavuođas
Almmái barggai rádjábearráigeahččin Mátta-Várjjagis gitta 2014:i, go ollii ealáhahkii. NRK dieđuid vuođul lea son máŋga jagi olu áŋgiruššan Norgga-Ruošša oktavuođas, earret eará dáiddaprošeavtta «Pikene på broen» stivramiellahttun.
– Moskva ambassáda olgoriikabálvalus leamaš oktavuođas suinna, ja addo veahkki Norgga stáhtaboargáriidda gustovaš njuolggadusaid ja rámmaid vuođul, muitala Olgoriikadepartemeantta gulahallanhoavda Frode Overland Andersen Dagens Næringslivii.
Andersen dieđiha ahte UD ii sáhte kommenteret ášši viidáseappot, danin go sis lága vuođul lea jávohisvuođabággu konsuláraáššiin mat leat jođus.
Galgá leat čiegus dokumeanttai ožžon
Jekaterina Kasnova, preassadieđiheaddji Lefortovo-duopmustuolus, duođašta ođasbyråii Tassat ahte norgalaš lea bidjon giddagassii guokte mánu, gitta 5. guovvamánu. Krasnova dieđuid vuođul lea almmái áššáiduvvon paragráfa 276 vuođul, mii lea spiovdnaša geažil.
Krasnova dieđuid vuođul lea almmái guoddalan ášši, muhto dáhton riektigulahallama ii leat vel bidjon.
– Mii leat dušše mearridan bidjan Berg giddagassii. Mo mii viidáseabbut gieđahallat ášši lea sorjavaš dasa maid dutkit bidjet ovdan, dadjá Krasnova Dagbladii.
Tass dieđuid vuođul váldui norgalaš giddagassii Moskvas maŋŋel spesiálaoperašuvdna mas son lei jođus oažžut čiegus dokumeanttaid dan ruošša lahttas. Dat ruošša servodatmielahttu Alexey Zhitnyuk, gean leat váidán dego forræderin galgá leat addán dokumeanttaid Bergii.
Ruošša sihkarvuođapolitiija dieđuid vuođul galgá Frode Berg maiddái addán dieđuid Norga eiseválddiide ja CIA:ii. Ođasbyråa dieđiha ahte almmái galgá leat ovddasteaddji Rukses Ruossas ja ahte son galgá leat veahkehan báhtareddjiid Ukrainas eret, gaskal Ruošša ja Norgga, DN dieđuid vuođul.
Norgga ambassáda ruoššas ii hálit kommenteret ášši DN:ii, ja čujuha sin UD:ii.
Rosbalt lea ruošša neahtavuođđuduvvon ođasbyråa mii álggahuvvui 2001, AFP dieđuid vuođul. Der Spiegel dadjá sis leat láhka čatnosat politiijaide ja daid ruošša sihkkarvuođabálválusaide.
