-Almmuhus-
SMÁVVAOĐĐASATNorga­laččat válljejit luomu­stallat Norggas, vaikke ožžot korona­passa

Norga­laččat válljejit luomu­stallat Norggas, vaikke ožžot korona­passa

-

-

Čiežas logi norgalaččas háliidit luomustallat ruovtturiikkas, vaikke vel ožžotge koronasertifikáhta mainna beasaše mátkkoštit olgoriikkas.

Dan čájeha iskkadeapmi man Ipsos lea čađahan NHO Reiseliv ovddas.

Stuorragávpogiid gaskka lea Oslo mii eanemusat geasuha. Olles 34 proseanta vástidii ahte áigot galledit oaivegávpoga geasseluomus.

– Dat veahkeha mátkeealáhusaid Norggas, mat leat rahčan giddejumiid ja garra njuolggadusaid geažil mat čuožžiledje korona dihte, dadjá NHO Reiseliv hálddašeaddji direktevra, Kristin Krohn Devold.

16 proseanta háliidit fitnat Bergenis dahje Troanddimis, ja 11 proseanta ges háliidit Stavangerii.

Eatnasat háliidit aktiivvalaš luomu. 57 proseanta háliidit vázzit tuvrraid dahje čađahit eará doaimmaid luonddus. 34 proseanta áigot bartii.

51 proseanta leat plánen boradit restoráŋŋain, ja 31 proseanta háliidit orrut hoteallas dán geasi.

– Dat lea buorre ođas guossohanealáhusaide ja hoteallaide, dadjá Krohn Devold.

Hattit, lagasvuohta lundui ja buorre njoammunsuodjalus leat deháleamos fáktorat go lea sáhka válljemis luopmomeari.

1029 olbmo leat searvan iskkadeapmái, mii čađahuvvui gaskal geassemánu 9. ja 23. beivviid.

(©NTB)

-Almmuhus-