-Almmuhus-
OĐĐASATNorgalaččat ruovttus luomus dagahedje ahte neahttagávppašeapmi lassánii

Norgalaččat ruovttus luomus dagahedje ahte neahttagávppašeapmi lassánii

-

-

Klarna ođđa statistihkka čájeha ahte neahttagávppašeapmi lassánii olu go norgalaččat válljejedje leat ruovttus luomus. Norgga viesso- ja gilvvagárdebuktagiid vuovdin lassánii 52 proseanttain suoidnemánus diimmá ektui. Maiddái geassemánu manai bures. De gávppašedje olles 71 proseantta eambbo viesso- ja gilvvagárdebuktagiid go diimmá geassemánus.

 – Dábálaččat lea min suorggis buorre vuovdinlassáneapmi giđđat ja geasset. Nu lea dán jagi maid, vaikko lea lassánan eambbo go muđui. Dat lea diehttelas das ahte oallugat geavahedje luopmoruđaid ráhkkanit dakkár geassái go oallugat leat ruovttus, dadjá Maxbo neahttagávppašeami redaktevra, Kjetil Egner.

Klarna statistihkka

Statistihkka lea ráhkaduvvon neahttagávppašeami ektui Klarna máksinčovdosiin vuođul. Logut bohtet 7000 Norgga neahttagávppis mat geavahit Klarna máksinčovdosa. Gaskal goalmmadasoasis ja beliin buot neahttagávppašemiin Davviriikkain geavahit Klarna máksinčovdosa.

Gilvvagárdebuktagat bivnnuhat

Leat buktagat gilvvagárddiide ja olgobirrasii mat leat leamaš erenoamáš bivnnuhat dán giđa ja geasi. Ollu norgalaččat leat bonjastan ođđa suoidnečuohpaniid, olgostohpogálvvuid ja bassinommaniid. Mála maid lea johtán olu, ja seamma leat huksengálvvut.

Romssas ja Finnmárkkus gávppašan eanemus

Klarna statistihkka čájeha ahte Norgga guovtti davimus fylkkas leat gávppašan eanemus viesso- ja gilvvagárdebuktagiid suoidnemáus. Gaskamearálaččat riikkas gávppašedje Romssa ja Finnmárkku fylkkas  29 proseantta eambbo juohke olmmoš, muhto Nordlánda lea dakka maŋis.

– Sáhttá leat dan fiinna dálkki dihte mii Davvi-Norggas lea leamaš, ahte olbmot háliidit ođđa rusttegiid gilvvagárdái, málet viesu dahje verándda snihkket, dadjá Thomas Elvestad. 

(©NTB)

-Almmuhus-