Go norgalaččat háliidit lášmmohallat, de sii vulget vázzit. Valáštallanvisttit ja eará fálaldagat eai oaččo ollesolbmuid lihkadit eambbo.
Dan čájehit logut maid Statistihkalaš guovddášdoaimmahat lea ovdanbuktán.
Golggotmánu 31. beaivvi almmuhii SSB valáštallaneallindili loguid. Dás čájehedje ahte norgalaččat háliidit vázzcit go leat lášmmohallamin, ja dan sii dahket maid dávjá. Olles 76 proseanta álbmogis lea dieđihan ahte sii leat vázzán johtilit maŋimuš 12 mánus.
– Dát čájehit ahte ráđđehus vuoitá das jus dahkat hálbbes investerema láhčit vázzinbálgáid, dan sadjái go láhčit valáštallanrusttegiid ja visttiid, mat eai daga nu stuorra doaimma eanaš olbmuide, lohká Lasse Heimdal preassadieđáhusas, gii lea Norsk Friluftsliv generálačálli.
