Logut Trygg Trafikk:as čájehit ahte norgalaččaid gaskkas njiedjá šleđggoniid geavaheapmi.
– Lea váralaš rievdan dadjá Ann-Helen Hansen, gulahallanráđđeaddi Trygg Trafikk:as.
Trygg Trafikk lea čađahan iskkademiid šleđggongeavaheamis 2002 rájes, ja loguid ovdáneapmi lea leamašan buorre áiggiid čađa. Iskkadeamit 2019:s čájehit ahte lohku norgalaččain geat geavahit šleđggona njiejai 41 prosentii. Lohku 2018:s lei 44 proseantta.
Finnmárku ja Nordlánda leat fylkkat gos eanemusat geavahit šleđggona. Finnmárkkus lea geavaheapmi 62% ja Nordlánddas ges 57%.