-Almmuhus-
OĐĐASATNorgalaččat leat geavahan eambbo dán jagáš juovlagávppašeamis

Norgalaččat leat geavahan eambbo dán jagáš juovlagávppašeamis

-

-

Dán jagáš juovlagávppašeapmi bijai olahusa.

Varas logut Vipps ja BankAxeptas čájehit ahte ollislaš árvu gávppašeamis vuosttaš golmma vahkkus juovlamánus lea lassánan diimmá ektui. Gávpejohtu koartagávppašeamis lea lassánan ovttain proseanttain ja gávppašeapmi neahtas Vipps bokte lea lassánan 178 proseanttain.

– Lea hirpmástuhtti ahte gálvogávppašeami gávpejohtu lassána dákkár earenoamáš dilis. Dat mii dán jagi lea erohus lea neahttagávppašeami lassáneapmi. Dan sáhttá čilget sihke obbalaš treanddain ahte olbmot gávppašit eanaš neahtas, ja maiddái pandemiija mii dagaha ahte olbmot bissot ruovttus, dadjá Vipps bargi Vegar Heir.

Golmma vuosttaš vahkkus juovlamánus ledje 9 proseantta unnit koartageavaheami fysalaš gávppašeamis diimmá ektui, muhto hattit leat 11 proseantta lassánan juohke gávppašeamis. Dat mearkkaša ahte olbmot gávppašit hárvvibut, muhto divraset.

– Oallugiin lea ruovttukantuvra ja bissot ruovttus beivviid. De lea stuorát lassá fitnat rámbuvrrain ja unnit lassá gávppašit neahtas. Mii oaidnit lassáneami elektronihkas, stohpoortnegis ja girjegávppiin. Dat mielddisbuktá ahte gávnnat eanaš garra páhkaid muora vuolde dán jagi, dadjá Heir.

Dán čállá Vipps preassadieđáhusas.

-Almmuhus-