Norgalaččat geat plánejit luomustallat ruovtturiikkas lassánit, nu čájeha ođđa iskkus maid Innovasjon Norga lea čađahan.
Guovttis golmma norgalaččas dieđihit ahte áigot luomustallat Norggas, ja ovccis lohkásis válljejit johtit iežaset biillain.
Seammaláhkai go iskosis mii dahkkui miessemánus, de sávvet eanáš olbmot johtit iežaset guovllus. Bealli dain áigot luomustallat Norggas ja plánejit leat vahku mátkkis. Iskosa lea Epinion čađahan Innovasjon Norge ovddas.
– Mii oaidnit dat unnu lohku geat vástidit ahte áigot soaittáhagas luomustallat. Mii sávvat ja jáhkkit loguid čájehit ahte eambbosat leat čeahpit ovdagihtii diŋgot ja nu leat mearridan gosa ja mo áigot čađahit luomu Norggas, čállá Innovasjon Norge mátkeealáhusdirektevra Bente Bratland Holm preassadieđáhusas.
