Norgalaččat eai leat 2010 rájes seastán nu unnán iežaset dietnasis go dán jagi nuppi áigodagas. Dát vuorjašuhttá ekonomaid.
Norgalaččat eai leat 2010 rájes seastán nu unnán iežaset dietnasis go dán jagi nuppi áigodagas. Dát vuorjašuhttá ekonomaid.
Norgga dállodoaluin seste dušše 5 proseantta dietnasis dán jagi nuppi áigodagas, čájehit Statistihkalaš guovddášdoaimmahaga logut.
Jahkeáiggi justeren čájeha ahte seastin njiedjá 2,1 proseanttain ovddit áigodaga ektui.
Ná čuorbbi eai leamaš norgalaččat seastit 2010 rájes, čállá Klassekampen aviisa.
Seastit unnán ja hejodit
Statistihkalaš guovddášdoaimmahaga dieđuid mielde sestet norgalaččat unnit danin go bálkkát njidjet ja geavaheapmi lassána.
AgriAnalyse beaivválaš jođiheaddji ja ekonomiijagirječálli Christian Anton Smedshaug oaivvilda ahte norgalaččat sestet boastut ja risikerejit ekonomalaš roasu.
– Norgalaččat sestet unnimusat ruđaid Eurohpás. Mii eat seastte ossosiidda, obligašuvnnaide ja eat ge bija doarvái ruđaid báŋkoseastimii. Norgalaš seastá ruđaid viessooastima bokte, muhto dát lea stuorra riska jus viessohattit njidjet sakka, čilge son Klassekampenii.
