Ođđa raporttas merošta Álbmotdearvvašvuođainstituhtta njoammuma lassánit olu dan golmma boahttevaš vahkkus.
– Mannan vahkku ektui čajehuvvo ahte boađus min modeallain lea ahte dilli lea vearáskan ja ahte njoammunlogut leat lassánan, čállá Álbmotdearvvašvuođainstituhtta sin modellerenraporttas, mii lea čállon gaskavahku. Dan čállá VG.
– Mii meroštit lassáneami boahttevaš vahkkuid, vaikko mii mannan vahkku meroštalaimet ahte sáhttá leat oalle stabiila, dadjá FHI.
Vahkku geahčen doaivu FHI korona lassánit 84 njoammumiin beaivái, ja čuođi ođđa njoammuma beaivái guovtti vahkku geahčen. Jus dát meroštallamat dollet deaivása, de leat Norggas guovtti vahkku geahčen badjel 23 ođđa njoammuma juohke 100 000 ássis daid maŋemus vahkkuid. Dat mielddisbuktá ahte Norga šattašii rukses riikan Norgga eiseválddiid gáibádusain EEO- ja Schengen- riikan.
(©NTB)
