Bearjadaga ovdanbuvttiiga stádaministtar Erna Solberg ja dearvvašvuođaministtar Bent Høie ođđa mátkkoštan njuolggadusaid. Norgga ráđđehus lea mearridan rahpat rájiid Davviriikkaide, muhto dušše dohko gos leat vuollegis koronalogut, nu go Supmii ja Dánmárkui, muhto eai Ruŧŧii.
Stádaministtar Erna Solberg ja dearvvašvuođaministtar Bent Høie celkkiiga preassakonferánssas ahte eai raba ráji Ruŧŧii go lea alla njoammonvárra. Dušše Gotlándii — mii lea unna sulloš olggobealde Stockholmma, dohko besset norgalaččat
Norgalaččat sáhttet dal mátkkoštit Supmi, Islándii, Ruonaeatnamii, Færsulluide ja Dánmárkui go dat čuvvot Norgga eiseválddiid gáibádusaid.
Dilálašvuohta boahtá meannuduvvot dađi mielde, ja guovtti vahkus boahtá ođđa diehtu:
– Mun sávan ahte eará guovlluin Ruoŧas maid unnu njoammundilálašvuohta nu ahte sii sáhttet rahpat mátkkošteami dohko maid dajai dearvvašvuođaministtar Bent Høie.
Muhto dat galgá leahkit vejolaš vuoddjit Ruoŧa čađa.
Suopma maid rahpá rájiid
Ikte dieđihii maid Suopma ahte sii rahpet ráji Norgii ja geassemánu 15 beaivvi rájes sáhttá Supmi mannat -erren njuolggadusat maid váldojit eret. Suopma rahpá maid rájiid Estlandii, Lettlándii, Litauenii, Dánmárkui ja Islándii. Muhto ii Ruŧŧii.
Seammás ávžžuha EU-kommišuvdna rahpat rájiid Schengen-guovllus.
(©NTB)
