-Almmuhus-
SMÁVVAOĐĐASAT– Norga dárbbaša ođđa buohcandieđáhusa

– Norga dárbbaša ođđa buohcandieđáhusa

-

-

Fontenehus Norge háliida čalmmustahttit ahte olusat sis geat buohccindieđihuvvojit, dávjá rahčet psyhkalaččat, ja dárbbašit buoret čuovvoleami.

Dán geasi leat badjel 24 000 olbmo čohkkán ruovttus, dearvvašvuođaváttisvuođaid geažil. Ledje go sáhttit oažžut buoret veahki? Fontenehus Norge oaivvilda ahte livččii vejolaš, ja almmuha árvalusa psyhkalaš-buohcandieđáhusa, dahje «psykemelding». 

Juohke jagi lea stuora oassi álbmogis oktavuođas dearvvašvuođaguovddažiin dan dihte go buhcet psyhkalaččat. Vuosttaš jahkenjealjádagas dán jagi ledje measta 95 000 olbmo buohccindieđihuvvon psyhkalaš váttisvuođaid geažil.

– Juohke jagi buohccindieđihuvvojit olbmot, eaige nagot šat boahtit bargui, muitala Fontenehus Norge beaivválaš jođiheaddji Torhild Stimo NTB:i.

Dutkamat čájehit ahte buohcandieđáhusat main ii leat sisdoallu, dávjá dágaha ahte olmmoš massá iešdovddu, isolere iežas, dávjá šaddá guhkidit buohcandieđáhusa ja eai nagot šat bargui vuolgit.

– Min evttohus lea ahte psyhkalaš-buohcandieđáhus galgá molssaeaktun doaktáriidda vai besset čujuhit pasieanttaid viidáset. Psyhkalaš-buohcandieđáhusa sisdoallu galgá ovdamearkka dihte ahte pasieanttas lea dálkkasčujuhus fálaldagaide mii lea iešguđetge arenain, mii galgá ávkin beaivválaš eallimis. Ovdamearkka dihte eaktodáhtolaš barggut, mii nanne olbmo sosiála beali, muitala Stimo.

-Almmuhus-