Fargga deaivvadit duottarjoavkkut, muhto álggos fertejit earáiguin birgehallat.
Fargga deaivvadit duottarjoavkkut, muhto álggos fertejit earáiguin birgehallat.
Finnmárkku 4. divišuvnna spábbačiekčanráidu lea juo buori jođus. Dán vahkkoloahpa leat olu čiekčamat.
Nordlys IL deaivvada Sállan Glimtain ruovttušiljus Niitoguolbanis lávvordaga. Dat lea Nordlysa nubbi čiekčan dán jagi ráiddus.
Nordlys ii leat birgen Sállan Glimtain 2015 čavčča rájes.
Bossogohpiin deaivvadit
Guovdageainnu IL fas deaivvada Bossogohpiin Bákteváris bearjadaga. Diimmá ráidočiekčamiin čikče joavkkut vuos dássálagaid giđđat, 0-0. Čakčat časkkii Bossogohppi Guovdageainnu, 4-1.
Guovdageaidnu lea čiekčan golbma čiekčama dássážii ráiddus, eai ge leat vel vuoitán.
Guovdageaidnu IL ja Nordlys IL deaivvadit Bákteváris miessemánu 16. beaivvi.
