Dál šaddet njuovžilit njuolggadusat biilla liigečuovggaide.
Dál šaddet njuovžilit njuolggadusat biilla liigečuovggaide.
– Go mis leat guhkes ja sevdnjes dálvvit Norggas, de háliidivčče oallugat vejolašvuođa bidjat buoret čuovggaid biillaide.
Danin lea ráđđehus dál rievdadan njuolggadusvuođu, nu ahte golggotmánu 1. beaivvi rájes lea vejolaš bidjat liigečuovggaid biillaide, dadjá johtolatministtár Jon Georg Dale.
Ođđa njuolggadusas lea nu ahte lea lohpi bidjat vaikko man olu guhkesčuovggaid bilii. Seammás ii leat šat gáibádus maksimála čuovgafápmu dahje ahte ferte bidjat bárračuovggaid daid guhkesčuovggaid. Njuolggadusat gusket buot biillaide.
– Mii leat maŋemus jagiid ožžon eanet gažaldagaid liigečuovggaid njuolggadusaid birra.
Earenoamážit čuovgafámu ja go liigečuovggat fertejit bárran biddjot.
Norggas mis leat guhkes ja sevdnjes dálvvit. Go duogáš lea ahte ođđaáigasaš oanehis čuovggain lea buoret effeakta go ovdal, de ii šatta molsun guhkesčuovggain oanehis čuovggaide nu garas vuoddji oidnui.
Danin dahkat mii dál vejolažžan bidjat guhkesčuovggaid mat sáhttet dagahit ahte lea álkit fuomášit elliid ja olbmuid sevdnjes áiggis, dadjá Dale.
