Lávvardaga deaivvadeaba IL Nordlys ja Guovdageainnu valáštallansearvi Báktevári spábbačiekčanšiljus dán čiekčamii mii lea šaddan árbevierrun juohke giđa. Kárášjohkalaččat sáhttet čuovvut iežaset gánddaid busse mielde.
Lávvardaga deaivvadeaba IL Nordlys ja Guovdageainnu valáštallansearvi Báktevári spábbačiekčanšiljus dán čiekčamii mii lea šaddan árbevierrun juohke giđa. Kárášjohkalaččat sáhttet čuovvut iežaset gánddaid busse mielde.
Jus leat Kárášjogas ja háliidat vásihit Guovdageainnu valáštallansearvvi ja Nordlys dievdduid beakkánis čiekčama dán lávvordaga, de sáhtát njuiket Nordlys dievdduid mielde Guovdageidnui.
Fállet bussemátkki Guovdageidnui
Nordlys lea ovttas Bivdu pubain ja Baltos Busser mearridan fállat spábbačiekčanberošteddjiide vejolašvuođa čuovvut čikčiidbusse Guovdageidnui, vai šaddá albma eallin ja buorre miellaláhki Guovdageainnus.
Busse vuolgá lávvordaga 15:00 áigge ja bussii váldet mielde nu olu go čáhket. Dán dieđiha Bivdu sin Facebook-siiddus.
Loga maid: Guovdageaidnu duoddara buoremusat
Stuorrašearpmas maid čájehit
Jus dattege it astta vuolgit Guovdageidnui de lea vejolaš čiekčamiid geahččat TV2 kanálas. Čiekčamat álget diibmu 19.15 ja TV2 sádde njuolggosáddaga. Kommentáhtorat leaba Tippeligakommentáhtorat Marius Skjelbæk ja Drillo. Davy Wathne ja Jespet Mathisen ges leaba Guovdageainnus.
Bivdu Puba Kárášjogas, čájeha čiekčamiid stuorrašearpmas.
Dát guokte joavkku deaivvadeaba jahkásaččat, ja dát lea oalle stuorra dáhpáhus kárášjohkalaččaide ja guovdageaidnulaččaide. Diibmá maid deaivvadedje joavkkut Guovdageainnus, dalle vuittii Guovdageaidnu 2-0.
Goappá joavkku dál jáhkát vuoitit? Jienastanáhta lea áššis vuollin.
