Nuppi bealis miessemánus ledje dieđihuvvon 354 njoammundáhpáhusa mat eai lean covid-19. Dat lea geahppáneapmi olles 57 proseanttain diimmá rájes.
Dat boahtá ovdan Njoammudávddaid dieđihanvuogádaga (Meldingssystem for smittsomme sykdommer – MSIS) statistihkas.
Dearvvašvuođainstituhtta dadjá ahte geahppáneapmi sáhttá leat dan geažil go sosiála gaska ásahuvvui njukčamánus, oassin njoammunsuodjalusdoaimmaide covid-19 dávdda vuostá. Muhto dat sáhttá leat maiddái danin go šattai váddáseabbon fidnet doavtterdiimmu. Nu de sáhttá maid unniduvvot diagnostihka MSIS:i.
Njoammudávddaid geahppáneapmi dan vuosttaš oasis miessemánus lei 61 proseantta unnit go diibmá.
(©NTB)