Njeallje olbmo heavvanedje ođđajagimánus, čájeha Redningsselskapet heavvananstatistihkka.
Lihkohisvuođat leat dáhpáhuvvan go olbmot leat gáttis ja fidnofatnasis gahččan, ja dan botta go leat buokčalan. Diibmá maid heavvanedje ođđajagimánus njealje olbmo. Golbma lihkohisvuođa dáhpáhuvve fatnasis.
Buot njealjis geat dušše heavvananlihkohisvuođain ođđajagimánus ledje almmáiolbmot.
Vuollelaš 20-jahkásaš almmái gávdnui duššan mearas maŋŋel go lei láhppon feastta maŋŋel Averøyas Møres ja Romsdálas.
Badjelaš 60-jahkásaš almmái gahčai merrii go áiggui mannat leaktofatnasa ala Abelværas Trøndelágas. Agderis heavvanii badjelaš 40-jahkásaš almmái buokčalanlihkohisvuođas Arendala lahka.
Badjelaš 30-jahkásaš latvialaš almmái lea navdon heavvanan maŋŋel go gahčai borddi badjel Norgga guolástanfatnasis nuorttabeale Svalbárdda.
