-Almmuhus-
-Almmuhus-
OĐĐASATNjeallje ođđa virggi Sámi Klinihkas

Njeallje ođđa virggi Sámi Klinihkas

-

-

Finnmárkku buohcceviessu lea nuppástuhttinproseassas, ja hálddahusdirektevra buvttii illuságaid.

Sámi Klinihkas lei stuora illubeaivi mannan vahkkus, go Finnmárkku buohcceviesu hálddahusdirektevra mearridii ásahit njeallje ođđa virggi spesialistadoavtterguovddážii Kárášjohkii.

Sámi Klinihka jođiheaddji, Amund Peder Teigmo, muitala preassadieđáhusas ahte son lea hui ilus ja áibbas eará máilmmis. Son lea dego balvvaid siste, go Finnmárkku buohcceviesu hálddahusdirektevra Ole Hope ásahii ođđa virggiid.

Ođas beakkehii maŋŋel go hálddahusdirektevra čoahkkinasttii Sámi Klinihkain geassemánu 14. beaivve.

– Mis leamaš hui miellagiddevaš čoahkkin gos fáddán leamaš somatihkka. Dan oktavuođas oaččuimet dieđu ođđa virggiid birra.

Finnmárkku buohcceviessu lea nuppástuhttinproseassas, ja Sámi Klinihka jođiheaddji dadjá ahte ođđa virgádeamit leat oassin barggus.

Sámi Klinihkka beassá virgádit čuovvovaš bargiid: 

Mánáiddoaktára, spesialista pediatriijas

Nevrologa, spesialista nevrologiijas

Audiográfa

Buohccidivššár gii galgá jođihit plánejuvvon váibmováidun- ja diabetespoliklinihka.

-Almmuhus-