-Almmuhus-
-Almmuhus-
OĐĐASATNjeallje fitnodaga gilvalit beassat hukset ođđa E6 luotta Nuovas­muotkkis

Njeallje fitnodaga gilvalit beassat hukset ođđa E6 luotta Nuovas­muotkkis

-

-

Njeallje fitnodaga leat gergosat addit fálaldaga ođđa E6 luotta hukset Nuovasmuotkkis, Romssa ja Finnmárkku fylkkas. Nye Veier fitnodaga direktevra Anette Aanesland lea duhtavaš ja doaivu garra gilvvu šaddat.

– Lea dehálaš ahte johtaleaddjit ožžot buoret ja eambbo oadjebas luotta dálvet, dadjá Nye Veier prošeaktadirektevra  Johan Arnt Vatnan.

Ođđa E6 luodda Nuovasmuotkkis galgá vuosttažettiin sihkkarastit eambbo diehttevaš vuodjima dálvet váre badjel. Luodda mii manná Nuovasmuotkki badjel lea dávjá gitta garra dálkki ja muohtauđasvára dihte. Go luodda lea gitta de lea áidna vejolašvuohta vuodjit Suoma čađa, ja dat lea sullii 70 miilla liigemohkki. Mannan dálvve lei Nuovasmuotkki luodda gitta sullii 80 geardde.

Doaivumis válljejit huksejeaddji ođđajagis, ja luoddaprošeavttas galget guokte tunealla maid huksejuvvot. 

-Almmuhus-