Davvi-Norggas leat dál 12 olbmo buohcciviesus njoammudávdda dihte. Viđas sis lea erenoamáš divššus ja njealjis vuigŋet vuoigŋanmašiinna vehkiin.
Davvi Dearvvašvuohta almmuhii bearjadaga, njukčamánu 27. beaivvi, Covid-19 dili tiibmu 13.00 ođđa loguid.
Davvi-Norggas leat dál 12 olbmo buohccivissui gártan dán njoammudávdda dihte. Viđas sis lea erenoamáš divššus ja njealjis vuigået vuoigŋanmašiinna vehkiin. Okta buohcci lea jápmán Davvi-Norggas dávdii. Nubbi ges ruoktut.
Oktiibuot lea 18 buohcciviesu bargái njommon dávda ja oktiibuot leat 503 buohcciviesu bargi biddjon errenáigái dahje sierravuhtii. Dan dieđiha Davvi Dearvvašvuohta iežaset ruovttusiiddus.
Buohcciviesuid stáhtus iešguđet guovllus
Finnmárkku buohcciviesus ii leat oktage Covid-19 buohcci buohcciviesus, ii ge leat oktage jápmán dan dávdii. Ovtta bargái lea njommon Covid-19. 31 bargi leat biddjon errenáigái ja sierravuhtii.
Universitehtabuohcciviesus leat čieža buohcci buohcciviesus. Okta buohcci lea jápmán Covid-19 virusa dihtii. 14 bargái lea njommon Covid-19 virus. 111 bargi leat biddjon errenáigái dahje sierravuhtii. (Tromssas lea maid okta jápmán iežas ruktui.)
Nordlándda buohcciviesus leat njeallje Covdi-19 buohcci buohcciviesus. Ii oktage leat jápmán dan dávdii. Golmma bargái lea njommon Covid-19 virus. 244 bargi leat biddjon errenáigái dahje sierravuhtii.
Helgelándda buohcciviesus leat njeallje Covid-19 buohcci buohcciviesus. Ii oktage leat jápmán dávdii. Ii ovttage bargái leat njommon Covid-19 dávda. 117 bargi leat biddjon errenáigái dahje sierravuhtii.
