Ođđa logut Oahppodirektoráhtas čájehit ahte sullii bealli fágaoahpahalliin leat olahan fága- dahje sváinnasreivve guovtti jagi sisa maŋŋel go álggahedje oahpahallanáiggi.
Golmma jagis lea dát lassánan 78 prosentii. Maŋŋel viđa jagi lea 85 proseantta olahan fága- dahje sváinnasreivve.
Jus galgá olahit fága- dahje sváinnasreivve, de ferte fágaoahpahalli čađahan oahpahallanáiggi dahje nagodan fágageahččaleami.
– Sihkkarastit ahte eatnasat nagodit oahpu lea dehálaš sihke ovttaskas olbmui ja maiddái servodahkii. Norga dárbbaha eambbo buriid fágabargiid nu ahte mii joatkit leat nanaguoddevaš čálgoservodahkan. Danne áigu ráđđehus joatkit loktet fitnofágaid, dadjá oahppo- ja integrerenministtar, Jan Tore Sanner preassadieđáhusas.
Son lea ilus go nu oallugat váldet oahpu.
– Mun lean ilus go nu oallugat váldet fágareivve ja oahpu mii addá miellagiddevaš ja dehálaš barggu.
