Logi olbmos jáhkket njealjis ahte ožžot eambbo bálkká boahtte jagi. Eai beare gallis jáhke oažžut bonusruđaid, muhto guovttis golbmasis jahkket ahte 2017 šaddá buoret jahki fitnodahkii gos barget.
Logi olbmos jáhkket njealjis ahte ožžot eambbo bálkká boahtte jagi. Eai beare gallis jáhke oažžut bonusruđaid, muhto guovttis golbmasis jahkket ahte 2017 šaddá buoret jahki fitnodahkii gos barget.
Máilmmi stuorimus bargomárkaniskkadeapmi lea čađahuvvon, Randstad Workmonitor fitnodaga bokte.
Iskkadeapmi čájeha ahte Norggas vuordet 43 proseanta oažžut eambbo bálkká boahtte jagi. Dušše 27 proseanta vuordet oažžut bonusbálkká.
–Vaikko Norgalaččaid vuordámušat leat veahá loktanan diimmážis, de leat goit ge Norgalaččaid vuordámušat vuollelis go gaskamearálaččat máilmmis. Iskkadeamis leat jearahan 28 000 bargi, 33 iešguđet riikkain, ja bealli sis jáhkii ahte ožžot eambbo bálkká boahtte jagi, čilge Randstad Norge hálddašeaddji direktevra Eivind Bøe.
Indias doaivva
Indias vástidedje 92 proseanta olbmuin ahte vurdet bálkálassáneami, ja dat lei eanemus buot riikkain. Hellasis ja Japánas eai jáhkkán eará 20 proseanta olbmuin ahte ožžot bálkálassáneami.
– Ruoŧas leat veahá eambbo vuordámušat go mis dáppe Norggas. 65 proseanta vástidedje ahte vurdet eambbo bálkká, lohká Bøe.
Badjelaš bealli, 54 proseanta vástidedje ahte jáhkket sin fitnodaga ovdánit boahttevaš jagi.
Norggas maid čájehuvvui ahte 58 proseanta jáhkká ahte Norgga ekonomalaš dilli boahtá buorránit 2017:s. Dat lohku lea 14 proseanta eambbo go diibmá dán muttos jagis.
