Regiovdna Norrbotten dieđiha ahte njealjis leat dán vahkus jápmán koronadávdii Davvi-Ruoŧas.
Dál leat oktiibuot 155 olbmo jápmán koronadávdii.
Viđas leat maid intensiivadivššus leanas koronadávdda dihte. 38 olbmo ožžot divššu Davvi-Ruoŧa buohcceviesus koronadávdda dihte.
Jiellevári gielda dieđihii dán vahku ahte 12 vuorasolbmui lea njommon covid-19 dávda seamma boarrásiidsiiddas.
Dál dieđiha SVT Norrbotten ahte okta vuorasolmmoš lea jápmán Jiellevári gieldda boarrásiidsiidii.
– Dat lea duođalaš dilli min boarrásiidsiiddas ja mii geahččalit bissehit njoammuma dál, čilge Jiellevári gieldda dearvvašvuođahoavda Anna-Lena Niemi SVT Norrbottenii.
Máŋga gieldda leanas leat maid ohcan gaskaboddosaš galledangildosa gieldda boarrásiidsiiddaide.