-Almmuhus-
OĐĐASATNjealjis jápman korona­dávdii – muhto njoammun­logut njidjet

Njealjis jápman korona­dávdii – muhto njoammun­logut njidjet

-

-

Regiovdna Norrbotten dieđiha ahte dál leat 134 olbmo jápman covid-19 dávdii leanas, njealjis maŋemus jándora.

Dál lea koronadávda njommon oktiibuot 7185 olbmui Norrbottenis giđa rájes.

Juovlamánu 23. beaivvi leat 24 olbmo divššus leana buohcceviesuin ja golmmas leat intensiivadivššus. 

Boarrásiidruovttus

Girona gielda dieđiha maid ahte viđa vuorasolbmui lea njommon koronadávda boarrásiidsiiddas Girona guovddážis. Guoktásii vel navdet koronadávdda njommon.

Logut njidjet

Davimus Ruoŧas njidjet njoammunlogut buot gielddain. Dá leat 51. vahku logut, ruođuid siste leat 50. vahku logut. 

Árjepluovve: 2 (1),  Árvvesjávri: 4 (1), Boden: 96 (156)  Jiellevárri: 6 (7), Haparanda: 9 (6)  Johkamohkki: 8 (8) Kalix: 27 (40)  Giron: 54 (75)  Luleju: 229 (264)  Bájil: 2 (1)  Bihtán : 96 (126)  Älvsby: 17 (24) Överkalix: 5 (6)  Badje-Duortnus: 4 (1)

-Almmuhus-