Čakčamánu dušše njeallje olbmo Davvi-Norgga johtolagas.
Čakčamánu dušše njeallje olbmo Davvi-Norgga johtolagas.
Njealjis dušše guovtti johtolatlihkohisvuođas mannan mánu.
Dat lea alimus mánnolohku maŋemuš jagis, dieđiha Trygg Trafikk preassadieđáhusas.
Guokte lihkohisvuođa
Vuosttaš lihkohisvuohta lei Nordlánddas E10 luottas. Vestvågøyas duššai 73-jahkásaš nisu go biila mainna vujii beaškkehii busse njeaiga.
Maŋŋelis dan mánu dušše golmmas oktiibeaškkeheamis Omasvuonas, Romssas. Okta persovdnabiila beaškkehii oktii nuppiin biillain mas lei viessovovdna maŋis. Buot golmmas persovdnabiillas dušše, 63-jahkásaš dievdu, 61-jahkásaš nisu ja 85-jahkásaš nisu.
– Dat lea vearrámus johtolatlihkohisvuohta Davvi-Norggas viđa jagis, čállá Trygg Trafikk preassadieđáhusas.
Finnmárkkus ii okta ge
Oktiibuot leat 12 olbmo duššan Davvi-Norgga johtolagas dán jagi. Dat lea njeallje olbmo unnit go diibmá seamma áiggi.
Gaskamearálaččat leat dan maŋemuš viđa jagis duššan gaskal 15 ja 16 olbmo, ođđajagemánus čakčamánnui. Ii okta ge leat Finnmárkkus duššan.
