Jápminlogut leat njiedjan badjel beliin diimmá ektui.
Geassemánus jápme njeallje olbmo Norgga johtolagas. Jápminlogut leat njiedjan diimmá ektui. Dalle jápme ovcci olbmo seamma mánus.
– Ođđa áiggis eai leamaš jápminlogut vel ná vuollin geassemánus, dadjá Trygg Trafikk seniorráđđeaddi Bård Morten Johansen.
Johtolaga jápminlogut eai leat dušše geassemánus njiedjan, muhto vuosttaš jahkebealis 2021:s leat unnánat olbmot jápmán go diibmá. Dássážii leat 29 olbmo duššan Norgga johtolagas dán jagi. Diibmá ledje juo 46 olbmo jápmán seamma áiggis.
– Eat dárbbaš go 2010 geassemánnui máhccat, dalle jápme 31 olbmo ovtta mánus. Jápminlohku gal vissásit njiedjá, muhto eat galgga vajálduhttit ahte leat ain menddo olu olbmot geat duššet johtolagas, lohká Johansen.
Seammás go jápminlogut njidjet, de lassánit lihkohisvuođat main olbmot roasmmehuvvet garrasit, dieđiha Trygg Trafikk.
(©NTB)
