Miessemánnu lei čoaskáset go cuoŋománnu olu báikkin riikkas.
Miessemánnu lei čoaskáset go cuoŋománnu olu báikkin riikkas. Temperatuvra miehtá riikka lei 0,3 ceahki vuollel dábálaš temperatuvrra. Dat lea maid njealjádin njuoskaseamos miessemánnu 1900 rájes.
– Miessemánnu lei čoaskáseabbo go cuoŋománnu olu báikkin Norggas. Bergenis dáhpáhuvai dat maŋemus 1894:s, dadjá Meteorologalaš instituhta dálkkádatdutki Jostein Mamen preassadieđáhusas.
Temperatuvra
Temperatuvra miehtá riikka lei 0,3 ceahki vuollelis go dábálaččat. Muhtun báikkin Lulli-Norggas ja Gaska-Norggas lei nu čoaskkis ahte sáhtii ovtta, lagabui guokte ceahki čoaskáset go dábálaččat.
Čoaskáseamos stašuvnnat ledje
– Juvvasshøe (Lom, Oppland,1894 moh) -3,8 °C (1,4 °C čoaskáset go dábálaččat)
– Gámanjunni (Gáivuotna, Romsa, 1237 moh) -2,7 °C
Trollheimen – Storhornet (Oppdal, 1550 moh) -2,0 °C
Arvi
Arvi lei 150 proseantta dábálaččas, ja mánnu lei dan logi njuoskaseamos miessemánu searvvis go geahččat nu guhkás maŋos go 1900-lohkui. 1949 lea njuoskaseamos 180 proseanttain, ja 1936 fas goikáseamos 35 proseanttain.
