-Almmuhus-
-Almmuhus-
-Almmuhus-
SMÁVVAOĐĐASATNjálmmálaš eksámenat eai čađahuvvo

Njálmmálaš eksámenat eai čađahuvvo

-

-

Guovvamánus mearridedje ahte eai čađat čálalaš eksámeniid. Dál lea seamma mearrádus dahkkon njálmmálaš eksámeniid ektui. 

Njálmmálaš eksámenat eai čađahuvvo 10. luohkká ohppiide, JO3 ohppiide ja studerengelbbolašvuođa lasáhus ohppiide.

Dušše privatisttat galget čađahit eksámeniid, maiddái njálmmálaš eksámena.

– Go guovvamánus mearrideimmet ahte eat čađat čálalaš eksámeniid, de árvvoštalaimet seamma mearrádusa  njálmmálaš eksámeniid ektui maid, jus dilli vearrána. Dál oaidnit dárbbu šluhttet maiddái njálmmálaš eksámeniid, dadjá oahppoministtar Guri Melby.

Máhttodepartemeanta lea dárkilit čuvvon koronadili olles pandemiijaáiggis. Disdaga lei oahppoministaris čoahkkin fylkkasuohkaniiguin, ja departemeantta lei viežžan dieđuid olles riikka njoammudiliid birra.

– Nu movt mun čađat lean dadjan de leat mii čuvvon njoammudili dárkilit. Maŋemus logut čájehit ahte leat nu olu njoammumat miehtá riikka, seammas go olusat ohppiin leat erremis. Daid loguid vuođul ii leat dohkálaš čađahit njálmmálaš eksámeniid, dadjá Melby preassadieđáhusas.

Privatisttat ja oahppit main lea dárbu oažžut oahppoduođaštusaid, fágareivviid ja sváinnasreivviid galget čađahit eksámeniid. Ohppiin geain lea riekti ođđa, maŋiduvvon dahje sierra eksámenii giđđat 2021 čađahit eksámeniid privatisttaiguin.

-Almmuhus-