Lappi bolesguovddáža bolesat válde gitta muhtin nissona golbmii guovtti beaivvis Soađegilis, go vujii lobiheamet ja dasa lassin vel juhkanvuođas.
Lappi bolesguovddáža bolesat válde gitta muhtin nissona golbmii guovtti beaivvis Soađegilis, go vujii lobiheamet ja dasa lassin vel juhkanvuođas.
Lappi bolesguovddáš oaččui bearjadat eahkeda ovdalaš diibmu čieža dieđu ahte guokte biilla ledje guoskkehan oktii Soađegilis Kemijävrregeainnu alde.
Ii bisánan
Dieđus bođii ovdan ahte nubbi biila ii lean bisánan dáhpáhusbáikái, muhto lei joatkán mátkki Soađegili guovddáža guvlui.
Veahá maŋŋelaš bođii ođđa diehtu bolesiidda biillas, mii ii lean bisánan. Biila lei vuodján johtolatjuohkkái ja njeaidán geaidnogalbba Kemijávrregeainnu ja Jäämerengeainnu geaidnoearus.
Váldon guktii ovdal
Bolesat fáhtejedje dán biilla Soađegili guovddážis. Báikkálaš biilavuoddji nisu bosui alkomihtárii 2.05 promilla.
Dan botta go bolesat ledje čielggadeamen ášši, gávnnahedje seamma nissona váldon gitta beaivvi ovdal guktii juhkanvuođas vuodjimis.
Duoguštedje biilla
Go bolesiid mielas nissonis ii lean áigumušge heaitit čohkkedeamis biilla ráhttá duohkái, de duoguštedje nissona biilla.
