Badjel 60-jahkásaš gii gávdnui jápmán Brygfjelldalenis Hemnes suohkanis Helgelánddas sáddejuvvo rumašrahpamii ihttin, politiijat dáhtot dutkat jámii go nisu lunddolaččat vai leago juoga ráŋggáštusvuloš dáhpáhuvvan.
Badjel 60-jahkásaš gii gávdnui jápmán Brygfjelldalenis Hemnes suohkanis Helgelánddas sáddejuvvo rumašrahpamii ihttin, politiijat dáhtot dutkat jámii go nisu lunddolaččat vai leago juoga ráŋggáštusvuloš dáhpáhuvvan.
Nisu gávdnui jápmán iežas ruovttu olggobealde odne iđđes. Politiijat duođaštit Avisa Nordlandii ahte leat gávdnan stevvela, čalbmelásiid ja varraluottaid viesu luoddaearus. Gávdnosat dagahit ahte politiijat dutket ášši.
– Dássážii eai leat dutkamušat čielggadan jámii go nisu lunddolaččat vai leago juoga ráŋggáštusvuloš dáhpáhuvvan, danin sáddejuvvo nisu rumašrahpamii ihttin, dadjá politiijaadvokáhtta Joachim Nymann preassadieđáhusas.
Lei muhtin bussevuoddji gii gávnnai nissona jápmán, politiijat ožžo dieđu jápmima birra birrasii diibmu 09:00. Politiijat doivot oažžut eambbo vástádusaid jápmima birra ihttin maŋŋel go rumašrahpan lea čađahuvvon.
