-Almmuhus-
OĐĐASATNisu massii vuodjin­koartta 

Nisu massii vuodjin­koartta 

-

-

Politiija dárkkistii johtolaga Kárášjogas duorastaga, suoidnemánu 29. beaivvi. 

Finnmárkku politiija dieđiha ahte leat Kárášjogas dárkkistan leavttu johtolagas suoidnemánu 29. beaivvi. Politiija bissehii birrasii 30-jahkásaš nissona go doaladii 86 km/t guovllus gos leahttorádji lea 60 km/d.  Politiija duoguštii su vuodjinkoartta ja ášši váidojuvvo. 

Veaigin seamma beaivvi boŋkkihii el-čiekčansihkkel ja biila oktii Álttás. 15- jahkásaš gánda roasmmehuvai ja dolvojuvvui dearvvašvuođaguovddážii. Politiija dutká dáhpáhusa. 

Suoidnemánu 30. beaivvi dárkkistii politiija leavttu Skoleveien. Njealjis sáhkkohalle ja okta massii vuodjinkoartta, ja váido go vujii 76-km/d guovllus gos leahttorádji lea 50 km/d. 

Politiija ja heahteásahusat doapmaledje lihkohisvuođabáikái Paddeby nammasaš báikkis, suoidnemánu 30. beaivvi diibmu  23.11, go 20-jahkásaš almmái lei vuodján badjel geainnu. Biila lei jorran birra ja bisánan robi ala. Almmái beasai ieš biillas olggos, muhto dolvojuvvui Kirkonjárgga buohccivissui. 

Dárkkisteami oktavuođas, mii lei suoidnemánu 30. beaivvi, bissehii politiija Leavnnjas birrasii 70-jahkásaš  albmá go sus ii lean lobálaš vuodjinkoarta ja son váido.

Politiija dárkkistii leavttu E6 Riehppovuonávžžis. Stuorámus leaktu lei 112 km/t guovllus gos leahttorádji lea 80 km/d. 

-Almmuhus-