-Almmuhus-
-Almmuhus-
-Almmuhus-
OĐĐASATNisu goddon Romssas

Nisu goddon Romssas

-

-

Romssa politiijat dieđihit duorastaga eahkeda okta nisu lea gávdnon jápmán ovtta ásodagas Romssa gávpogis.

Politiija dieđihedje ikte eahkedis dii.22:30, okta nisu lei gávdnon jápmán ovtta ásodagas Romssa gávpogis, dieđiha itromsø.no.

 

– Mii leat ožžon dieđu ahte leat čađahuvvon duođalaš ráŋggáštusvuloš dáhpáhus. Politiija bijai johtui iskosiid, iskosat maid mii čađaheimmet čujuhedje min ovtta ásodahkii Røstbakkenis, dieđihii Morten Pettersen, stašuvdnajođiheaddji Romssa politiijaguovllus.

 

Diibmu 18.24 duorastaga ožžo politiijat Romssas dieđu ahte lei čađahuvvon duođalaš ráŋggáštusvuloš dáhpáhus.

 

Gávdnon jápmán

Čađahedje iskosiid máŋga čujuhusain ovdal sii gávdne viesu Romsasullos .

 

– Mun sáhtán duođaštit mii leimmet Krokenis ja mii čađaheimmet iskosiid muhtun čujuhusas, ja maiddái eará čujuhusain ovdal go mii bođiimet čujuhussii mii lei Røstbakkenis.

 

Nisu gávdnui jápmán ovtta ásodagas ja okta dievdu váldui gitta guhte lei ásodagas gos nisu gávdnui. Dilálašvuohta áššis lea sivvan manne almmái váldui gitta ja lea áššáiduhtton iešdáhtolaš goddimiin.

 

– Mis eai leat nu ollu detáljat maid mii sáhttit dieđihit. Mii diehtit dat lei oktavuohta gaskkal jápmán nissonis ja áššáiduhtton albmás, mii eat sáhte dál dieđihit makkár oktavuohta lei, dadjá Pettersen.

Stašuvdnajođiheaddji dieđiha sii leat čađahan báikedutkamiid ikte eahkedis ja olles bearjadat ija.

 

Áššáskuhtton

Politiija dieđiha ahte eai leat dahkan gažadeami áššáskuhtton albmás. Ovdal diibmu 08:00 iđđedis dieđiha stašuvdnajođiheaddji NRK Romsii ahte sii leat viggan dahkat gažadeami áššáskuhttin albmás.

 

– Son ii leat háliidan čađahit gažadeami ovdal son lea ságastan su advokáhtain. Danne mii eat leat ožžon čilgehusa áššáskuhttis, dadjá Pettersen NRK;ii.

 

Son joatká muitalit ahte leat dahkkon dutkamat kránnjáin ja leat čađahuvvon gažadeamit vihtaniin áššis.

– Mii leat ain nu álggus dutkamis ášši, ahte mii eat hálit dieđihit mo dáhpáhuvai, dajai Pettersen NRK;ii.

 

Son čilge viidáset politiijat áigot árvvoštallat ášši beaivvi mielde bearjadaga ja jus áššáskuhtti galgá rájusgiddagassii.

– Mii boahtit čađahit obdukšuvnna ja joatkit gažadit vihtaniid. Mii árvvoštallat dárbbašit go Kriposa ráđđeaddin, dadjá Pettersen bearjadat iđida NRK Romsii.

-Almmuhus-