Politiijat leat váldán gitta muhtin njealjátlot-jahkásaš nissona Álttás, go nisu galgá leat gáskkestan muhtin politiijabálvá gihtii.
Dát galgá leat dáhpáhuvvan go politiijabálvá, guhte maid lea nisu, lei iskamin ovtta fievrru.
– Nisu lea dál giddagasas Álttá leansmánnekantuvrras, dieđihit Oarje-Finnmárkku politiijat.
iFinnmark dieđuid mielde galgá nisu leamaš fievrru luhtte čuožžumin go politiijabálvá galggai iskat dan. Go bálvá joavddai báikái de doarrái nisu politiijain ja gáskkestii bálvvá gihtii.
Politiijabálvá iskkaduvvo dál doaktáriidda Álttás.
Nisu lea váidon, ja politiijat leat ásahan ášši.
