Ikte maŋŋelgaskabeaivvi lei biilalihkohisvuohta gaskal Bådåddjo ja Fuoskku.
50-jahkásaš nissonolmmoš jámii ikte biilalihkohisvuođas, mii dáhpáhuvai Riikkageaidnu 80:s Sagelvas, gaskal Bådådjo ja Fuoskku. Nordlándda politiijat ožžo dieđu lihkohisvuođa birra diibmu 15.22 ikte.
Lei sáhka guovtti biillas ja golmma olbmos. Roasmmehuvvan olbmot ožžo divššu ambulánssas ja dolvojuvvojedje Nordlándda buohccivissui, čállá Avisa Nordland.
– Oapmahaččat leat dieđihuvvon. Politiijat barget ain áššiin, čállet Nordlándda politiijat Twitteris.
