40-jahkásaš nissonolmmoš čukkohallan Álttás.
Álttá politiijat ja ambulánsa leat mánnodatiđit birrasii beal gávccis jođus Eibo guvlui.
– Mii leat jođus várohuvvon niibbástallama oktavuođas, muitala operašuvdnajođiheaddji Jan Arne Pettersen Altapostenii.
Pettersen duođašta ahte dáhpáhus lea dáhpáhuvvan Álttá lagasbirrasis, duođi eambbo ii sáhte duođaštit.
– Politiijain geat leat jođus báikái leat vearjjut fárus, duođašta son loahpas.
Čuggen nuppi nissonolbmo
Ovdalaš ovcci dieđihit Finnmárkku politiijat Twitteris ahte okta olmmoš lea váldon gitta dáhpáhusa oktavuođas.
Pettersen sáhttá duođaštit ášši.
– Lea nissonolmmoš gii lea čuggejuvvon, nubbi nissonolmmoš lea váldon gitta ja várohuvvon áššis.
40-jahkásaš Álttá-nisu lea dolvojuvvon Univesitehtabuohccivissui (UNN) Romsii maŋŋel go čukkohalai niibbiin mánnodatiđida.
20-jahkásaš nisu lea váldon gitta dáhpáhusa oktavuođas. Finnmárkku politiijat duođaštit NTB:i ahte nissonat dovddádeaba.
– Politiijat dovdet áššáiduhtton nissona ovdalaččas, dadjá operašuvdnajođiheaddji.
Bahuid čukkohallan
– Niibbástallan galgá geavvan priváhta čujuhusas, muitala Jan Arne Pettersen NTB:i.
Nissonolmmoš, guhte lea sáddejuvvon buohccivissui Romsii, galgá bahuid čukkohallan.
Politiijat leat dutkagoahtán ášši, ja áššáiduhtton nieida galgá gažaduvvot.
– Mii leat bargame áššiin ja geahččaleame čohkket dieđuid ovdal bargagoahtit gažademiin, dadjá operašuvdnajođiheaddji.
