-Almmuhus-
OĐĐASATNissoniidda čálihit eanemus dálkasiid

Nissoniidda čálihit eanemus dálkasiid

-

-

77 proseantta nissoniin ja 64 proseantta dievdduin ožžo reseaptadálkasiid diibmá, dieđiha Álbmotdearvvašvuođainstituhtta.

13 proseantta eanet nissonat go dievddut ožžo dálkasiid doaktáris diibmá, čájeha 2014-2018 reseaptaregisttar. 

– Nissonolbmot geavahit masá juohkelágan dálkasiid dávjjit go dievddut. Sii geavahit eanet dálkasiid go dievddut maiddái dalle jus ii rehkenastte hormonaprevenšuvnnaid, dadjá Álbmotdearvvašvuođainstituhta seniorráđđeaddi Christian Lie Berg preassadieđáhusas. 

Nissonolbmot geavahit eanet dálkasiid go dievddut masá olles eallenagi, das rájes go devdet 15 jagi dassážii go jorbejit 75 jagi. 

– Nissonat geavahit eanet antibiohta go dievddut, erenomážit go ožžot cissadávddaid. Sakka eanet nissonat ožžot maiddái dálkasiid bákčasiid vuostá, balu, deprešuvnnaid ja ávnnasmolsuma vuostá, dadjá Berg. 

(©NTB)

-Almmuhus-