Ruošša suddadanrusttet Nikelis, mii lea máŋggaid logijagiid sádden riššasuova Finnmárkui, giddejuvvo juovlamánu 23. beaivvi, dieđiha NRK.
– Dasto nohket maid suođđamat, ja mii vuordit mearkkašahtti buorádusa dálkkádatdilálašvuođas, dadjá Tatjana Jegorova, Ruošša industriijaijakonseartna suddadanrusttega Nornickela gulahallanvásttolaš, NRK:i.
80-logus buvttadii rusttet birrasii 400 000 tonna riššadioksiidda jagis. Maŋimuš jagiid lea suođđan leamaš 80 000 tonna, muhto aŋkke lea viđa geardde eambbo go Norgga oktasaš suođđan.
Vaikke Nikela suddadanrusttet heaittihuvvo,de joatká doaibma Montsjegorsk gávpogis, mii lea nuortalis.
©NTB
