Suoma Sámedikki nuoraidráđi ságajođiheaddjin válljejuvvui gáregasnjárgalaš Anni-Sofia Niittyvuopio
Várreságajođiheaddjin válljejuvvui fas Maria Mäkinen Jyväskyläs. Guktot doaimmaiga ságajođihangottis maiddái ovddit áigodaga.
– Nuoraidráđđi lea lokten sámenuoraid áššiid. Sii čielggadit sámenuoraid astoáiggedoaimmaid ja ovddidit sámegielat nuoraidbargi bálkáheami Sámediggái. Sii álkidit maiddái olahahtti doaibmaortnegiid, dego sámenuoraide oaivvilduvvon gierdomátkki gos šaddá sáhka astoáiggedoaimmaid ja sávaldat kártema birra, muitala nuoraidráđi ságajođiheaddji Anni-Sofia Niittyvuopio.
Várreságajođiheaddji Maria Mäkinen čilge ahte lea fiinnis beassat joatkit bargguin mii lea bures álggahuvvon sámenuoraid sajádaga ovddideami várás.
Nuoraidráđđi lea fuomášan ahte ii geava nu olu áššiiguin mat gusket sámenuoraide. Seammás oaidná maid ahte sámenuoraid astoáiggedoaimmaid ektui ferte vel ovddidit ášši mas ovdánahttet earret eará nu ahte buvttadit diehto- ja rávvensiidduide sisdoalu sámegillii.
Johtit
Nuoraidráđđi áigu dán jagi johtit sámiid ruovttuguovlluin ja olggobealde, doppe gos leat čoahkkanan ollu sámit. Gierdomátki dahkko ovttas báikkálaš sámeservviiguin ja gielddaid nuoraiddoaimmaiguin. Nuoraidráđđi geavaha kártenmateriála ovdánahttin doaimmas. Seammás muitaluvvo nuoraidráđi doaimma birra sámenuoraide.
– Mii háliidit maiddái fállat sámenuoraide dorvvolaš saji gos besset ságastallat servoša siskkáldas áššiid birra. Mii leat mannan jagi ožžon hárjánumi daid ordnemis ja sámenuorain lea čielga dárbu daidda, dadjá Niittyvuopio preassadieđáhusas,
Nuoraidráđi áššedovdilahttun válljejuvvojedje maiddái Mihku Näkkäläjärvi, Lilja Ljetoff, Tiia-Káren Alakorva, Marielle Näkkäläjärvi ja Rosa-Máren Juuso.
