-Almmuhus-
-Almmuhus-
OĐĐASAT Niito­hárjjis áigot digaš­tallat sáme­politihka­laš áššiid

Niito­hárjjis áigot digaš­tallat sáme­politihka­laš áššiid

-

-

Covid-19 dávdda njoammunhehttehusaid dihte lágiduvvo borgemánu Sámedigge dievasčoahkkin Kárášjoga valáštallanviesus Niitohárjjis.

Lávdegodde- ja dievasčoahkkin lágiduvvo Kárášjogas borgemánu 24. beaivvi rájes 28 beaivvi rádjái. Covid-19 dávdda njoammunhehttehusaid dihte lea Norgga beale Sámediggi sirdán dievvasčoahkkinbáikki Niitohárjái mii lea Kárášjoga gielddas. 

Dievasčoahkkinjođiheaddji Tom Sottinen ii loga jáhkkit ahte šaddet stuorra olggosgolut lágidit dievasčoahkkima Kárášjoga valáštallanviesus. Son rámida Kárášjogas gieldda mii lea leamašan hui veahkkái láhčit vejolašvuođa.

– Lea nu ahte stuorra eanetlohku geassemánu dievasčoahkkimis mearridedje lágidit liigedievasčoahkkima. Mii dál čuovvulat dan mearrádusa. Mu dieđus leat maid eambbo go doarvái áššit, ja soaitá vel nu ahte eat olle buot áššiid meannudit borgemánu dievasčoahkkimis, lohká Tom Sottinen. 

Son lohká ahte jus livčče sirdán eará gildii čoahkkima, de livččii gártan máksit mealgat eambbo. Nu lei buot buoremus čoavddus lágidit čoahkkima  Niittošhárjjis.

Dievasčoahkkinjođiheaddji Tom Sottinen muitala ahte stuorra eanetlohku dievasčoahkkimis geassemánus mearridii lágidit liigedievasčoahkkima borgemánus. Sii dál čuovvulit dan mearrádusa. Vuorkágovva. Inga Marie Guttorm
Dievasčoahkkinjođiheaddji Tom Sottinen muitala ahte stuorra eanetlohku dievasčoahkkimis geassemánus mearridii lágidit liigedievasčoahkkima borgemánus. Sii dál čuovvulit dan mearrádusa. Vuorkágovva. Inga Marie Guttorm
- Advertisement -
-Almmuhus-