Nieiddaš lei stoahkame fiervvás go beanaeaiggát luoitilii 7 polarbeatnaga luovos. Okta ruohta njuolga nieiddaža lusa ja gáskkestii su juolgái.
Nieiddaš lei stoahkame fiervvás go beanaeaiggát luoitilii 7 polarbeatnaga luovos. Okta ruohta njuolga nieiddaža lusa ja gáskkestii su juolgái.
Dát dáhpáhuvai Girkonjárgga smávvafanashápmanis sotnabeaivvi eahkeda ovdalaš gávcci, čállet politiijat Twitteris. Sihke politiija ambulánsa vulge dan báikái.
– Nieiddaš lei stoahkame fiervvás muhtin bártnážiin. Das lahkosis lei fanas mas ledje čieža polarbeatnaga, muitala operašuvdnajođiheaddji Thomas Pettersen Finnmárkku politiijaguovllus iFinnmark aviisii.
Luittii gáddái
Beanaeaiggát galgá leat luoitán buot beatnagiid gáddái. Dalle ruohtai okta dain beatnagiin njuolga nieiddaža lusa ja gáskkestii su juolgái. Bártnážii ii šaddan mihkkege, ja beanaeaiggát lea čurvon beatnagiid fas lusas, ja dat manne fas fatnasii.
Politiijaášši
Nieiddaš sáddejuvvui ambulánssain doaktára lusa. iFinnmark dieđuid mielde oinnii su eadni ja eará vihtanat dáhpáhusa, ja jurista galggai árvvoštallat maid dahkat beatnagiin. Beanaeaiggát, gii lea Suomas/Frankriikkas ii loga iFinnmark dieđuid mielde oaidnán ovttage fiervvás go luittii beatnagiid gáddái. Muhto politiijat leat álggahan ášši su vuostá.
