-Almmuhus-
-Almmuhus-
-Almmuhus-
SMÁVVAOĐĐASATNFU-kursa Álttás

NFU-kursa Álttás

-

-

Vai lea álkit váhnemiidda gávdnat veahkkeneavvuid ja doaibmabijuid, de lágida NFU kurssa Álttás golggotmánu 15. ja 16. beaivvi.

– Eanaš doaimmashehttejuvvon mánáin leat stuora hástalusat árgabeaivvis. Lihkus lea veahkki gávdnamis, muitala Norsk Forbund for Utviklingshemmede (NFU) fylkkajođiheaddji Frid Tellefsen Svineng, preassadieđáhusas.

Gielddat sáhttet muhtin ráje veahkkin, muhto veahkki lea maid fidnemis NAV:s, spesialistadearvvašvuođabálvalusas, habiliterenbálvalusas ja Satpedas.

– Leat olu instánssat ja olu vuogádagat, nu ahte sáhttá leat váttis diehtit makkár veahki sáhttá oažžut, čilge Svineng.

Kurssa ulbmiljoavku leat váhnemat geain leat doaimmashehttejuvvon mánát geat leat gaskal 0- ja 15-jahkásaččat ja ásset Finnmárkkus. NFU oažžu maid olu gažaldagaid makkár veahkkeneavvut gávdnojit, ja Svineng lohpida ahte dan ožžot diehtit kurssas.

Kursii máksá iežasoasi, miellahtuide lea haddi 500 ruvnno ja sidjiide geat eai leat NFU miellahtut máksá ges 1000 ruvnno. Iežasoassi gokčá idjadeami, borrama ja kurssa. Fylkkajođiheaddji sáhttá maid muitalit ahte sii sáhttet gokčat vuodjima.

-Almmuhus-